Ronaldinho yanyomoje amakuru avuga ko ateganya kurongora abakobwa 2 icyarimwe
Ronaldinho Gaúcho yahakanye amakuru amaze iminsi avuga ko ateganya kurongorera icyarimwe Priscilla Coelho na Beatriz Souza basanzwe ari incuti ze.
Avugira i Rio de Jenerio ku munsi w’ejo ubwo yari mu gikorwa cyo kumurika R10 Brand, Ronaldinho yashumangiye ko adateganya gukora ubukwe.
Aganira na SporTV yagize ati” Ubu isi yose iri kumpamamagara. Nta bukwe ngiye gukora, ni ibinyoma.”
Ni mu gihe amakuru yavugaga ko uyu mwami w’amacenga azashyingirana n’aba bakobwa bombi muri Kanama, uyu mwaka.
Ronaldinho uvugwaho kurongora abagore babiri icyarimwe yatangiye gukundana na Beatriz muri 2016, gusa bivugwa ko yakomeje umubano we na Priscilla bari baratangiye gukundana mbere y’imyaka myinshi.
Bivugwa kandi ko aba bakobwa bombi basanzwe bahabwa ama pounds 1500 n’iki gihangage, mu rwego rwo kuyinezezamo uko babyifuza, ndetse n’impano zingana harimo n’ama parfum aheruka kubagurira ubwo bari basohokeye hanze ya Brazil.
.
