Rick Ross uri muri Kenya yatangaje imishinga arakorana na Sauti Sol (Audio)
Umuraperi Rick Ross uri muri Kenya aho agiye no kuhakorera i gitaramo mu masaa make ari imbere yatangaje gahunda afitanye n’itsinda rya Sauti Sol , yemeza ko hari indirimbo yabo yakunze “Live and Die in Africa”
Ubwo yari ari muri sitidiyo ya NRG Radio ari nayo radiyo yamutumiye kuza muri Kenya ni ho yatangarije ko hari gahunda y’indirimbo agiye gukorana na Sauti Sol. Mu magambo ye uyu muraperi yavuze ko indirimbo “Live and Die in Africa” ari indirimbo yamukoze ku mutima bityo akaba yarasabye injyana yiyi ndirimbo ngo yongerengo amajwi ye.
Iyi ndirimbo iramutse ikozwe , Sauti Sol baba babaye abahanzi bagatatu uyu muraperi yaba akoranye nabo indirimbo ku mugabane wa Afurika nyuma ya P Square mu ndirimbo “Beautiful Onyinye” na Diamond Platinmuz mu ndirimbo “Waka”
Igitaramo Rick Ross yatumiwemo na Radiyo NRG yo muri Kenya kiraba kuri uyu wagatandatu taliki ya 28 Mata 2018. Uyu muraperi Rick Ross azaririmbira i Carnivore muri Kenya, ni igitaramo gitegerejwe n’imbaga y’abakunda umuziki cyane cyane injyana ya Hip Hop dore ko muri iki gitaramo harimo n’umuraperi ukunzwe cyane mu karere ka Afurika y’Iburasirazuba Khaligraph Jones n’abandi nka Camp Mulla na Fena Gitu.
Umva hano uko Rick Ross yavuze ibyo gukorana indrimbo na Sauti Sol
