RDC : Icyorezo cya Ebola kimaze guhitana abantu 55
Icyorezo cya Ebola kimaze iminsi cyongeye kwanduka muri Repubulika Iharanira Demokarasi ya Congo , Inzego z’ubuzima zo muri iki gihugu zatangaje ko iki cyorezo muri rusange umubare w’abantu bamaze guhitanwa n’iki cyorezo umaze kugera ku bantu 55.
Kubera iki Cyorezo cya Ebola Leta yafashe ingamba zo gutanga ubuvuzi ku buntu mu gihe cy’amezi atatu cyane cyane mu duce twibasiwe niki cyorezo nka Mabalako, Oicha na Beni..
Itangazo rya Minisiteri y’Ubuzima muri Congo ryasohotse mu ijoro ryo kuri uyu wa Mbere rivuga ko muri rusange abantu bagera kuri 96 bamaze kugaragaraho ibimenyetso bya Ebola muri ariko 69 muribo byemejwe ko barwaye Ebola naho 27 bo baracya kekwaho iyi ndwara.
Mu kwezi kwa Nyakanga Leta ya Congo yari yatangaje ko nta Ebola ikirangwa muri icyo gihugu, icyo gihe yari imaze guhitana abantu 33. Mu ntangiriro z’uku kwezi turimo nanone nibwo ubuyobozi bwa Kivu y’amajyaruguru bwatangaje ko Ebola yongeye kugaragara muri iki guhugu, iyi ikaba ari inshuro ya cumi Ebola yibasira Congo-Kinshasa kuva mu 1976.
Jeune Afrique ivuga ko abantu 1273 aribo bamaze guhabwa urukingo rwa Ebola, abarwayi biravugwa ko bari kuvurwa hifashishijwe umuti uzwi nka Mab114. Ebola ni indwara yandura iyo amaraso cyangwa amatembabuzi y’umuntu uyirwaye akoze ku muntu muzima.
