Rayon Sports yatsinze Mukura VS, yegukana amanota 3 y’umunsi wa mbere wa shampiyona
Ikipe ya Rayon Sports yegukanye amanota atatu y’umunsi wa mbere wa shampiyona, nyuma yo gutsinda Mukura Victory Sports et Loisirs igitego 1-0.
Igitego cyo ku munota wa kane w’umukino cy’umunya-Maroc, Rharb Youssef ni cyo cyatandukanyije aya makipe yombi yari yahuriye kuri Stade ya Kigali i Nyamirambo.
Rayon Sports yatsinze uyu mukino nyuma yo kuwitwaramo neza, by’umwihariko mu gice cya mbere cy’umukino.
Abakinnyi barimo Youssef watsinze igitego, umunya-Caméroun Willy Essombe Onana cyo kimwe na Kapiteni Muhire Kevin bari mu bahaye akazi gakomeye ikipe ya Mukura VS.
Mu yindi mikino yabaye: AS Kigali yagiye gutsindira Espoir FC i Rusizi ibitego 2-0 bya Aboubakar Lawal na Shabani Hussein ’Tchabalala’.
Gasogi United yo yagiye gutsindira Marines FC igitego 1-0 cya Trésor Ndabarasa.
