Rayon Sports yatsinze AS Muhanga ikomeza gukubana na APR FC

Ikipe ya Rayon Sports yatsinze AS Muhanga ibitego 3-1, yegukana amanota atatu y’umunsi wa 24 wa shampiyona yatumye ikomeza guhanganira na APR FC igikombe cya shampiyona.

Ni umukino iyi kipe yagiye gukina iheruka gutsinda APR FC mu mikino w’umunsi wa 23 wa shampiyona.

Ibitego bibiri by’Umurundi Jules Ulimwengu n’icya Niyonzima Oliver Sefu cyo mu gice cya kabiri ni byo byahesheje Rayon Sports insinzi imbere ya AS Muhanga.

Iyi kipe y’i Muhanga yabonye impozamarira ku munota wa 87 ibifashijwemo na Niyongira Danny winjiye mu kibuga asimbura.

Gutsinda AS Muhanga byatumye Rayon Sports yuzuza amanota 54, ikomeza gukubana na APR FC iyoboye shampiyona y’u Rwanda n’amanota 57.

Ku rundi ruhande, Mukura VS yatunguwe na Police FC iyitsindira I Huye ibitego 2-1.

Ibi bitego byombi byabonetse mu minota ya nyuma y’umukino. Icya mbere cyatsinzwe na rutahizamu Isae Songa, mbere y’uko Muvandimwe JMV atsinda igitego cya kabiri kuri Coup-Franc.

Mukura VS yo yari yatsindiwe na Kubwimana Cedrick mu gice cya mbere cy’umukino.

[team_standings 32825]