Rayon Sports ntigikoreye imyitozo yo kuri uyu wa gatatu mu Nzove
Ikipe ya Rayon Sports imaze gutangaza ko itagikoreye imyitozo yo kuri uyu wa gatatu kuri RAYON SKOL Conplex center, ikibuga cyayo isanzwe ikoreraho imyitozo giherereye mu Nzove.
Imyitozo Rayon Sports yagombaga gukorera kuri kino kibuga cyaho giherereye kuri Skol mu karere ka Nyarugenge yimuriwe kuri Stade ya Kigali i Nyamirambo. Ni nyuma y’imvura imaze iminsi igwa mu bice bitandukanye by’igihugu yangije byinshi bitandukanye harimo n’iki kibuga Rayon Sports yakoreragaho imyitozo.
Imyitozo ya Rayon Sports iteganyijwe kuba mu kanya saa kumi. Ni mu rwego rwo kwitegura shampiyona aho iyi kipe igomba gutangira ihura na Etincelles, mu mukino w’umunsi wa mbere uteganyijwe kubera i Rubavu ku wa gatandatu w’iki cyumweru.
