Perezida wa Turukiya yambariye Mesut Ozil mu bukwe bwe na Miss wa Turkey (+AMAFOTO)

Mesut Ozil w’imyaka 30 y’amavuko ukinira Arsenal n’ikipe y’igihugu y’abadage  yarushinganye na Amine Gülşe wigeze kuba Miss wa Turukiya(Turkey ) mu 2014.

Perezida wa Turukiya, Recep Tayyip Erdogan ni umwe ‘Best man’ mubambariye Mesut Ozil  warushinganye n’umukunzi we Amine Gülşe w’imyaka 28 mu birori by’agatangaza byabaye ku wa Gatanu tariki 07 Kamena 2019.

Ubukwe bwa Mesut Ozil bwabereye i Istanbul, ku nkengero z’umugezi wa Bosphorus wegereye Hoteli y’inyenyeri enye iri mu zikomeye muri Turkey. Aha ubu bukwe bwabereye hari hacungiwe umutekano ku rwego rwo hejuru n’igisirikare cya Turkey.

 Uyu mukinnyi asanzwe afitanye ubushuti bwa hafi na Perezida wa Turukiya wabaye umwe mu bahamije isezerano rye n’umukunzi we. Ozil n’umukunzi we batangiye urugendo rw’urukundo mu 2017 bemeranya kubana nk’umugabo n’umugore mu 2018.

Perezida Erdogan yatashye ubu bukwe ari kumwe n’umugore we Emine. Uyu mukuru w’igihugu yanasinye  yemeza isezerano rya Ozil n’umukunzi we bamaranye imyaka ibiri.