Perezida Kagame yakiriye umuyobozi w’umutwe wa RSF Gen Mohamed Hamdan Dagalo
Perezida Kagame, ku wa gatanu tariki 05 Mutarama 2024, yakiriye Gen Mohamed Hamdan Dagalo, uyobora umutwe wa RSF wo muri Sudani.
Uyu muyobozi uri mu ruzinduko mu bihugu byo mu karere, yagaragarije umukuru w’Igihugu uko ibibazo biteye muri Sudani ndetse n’aho inzira zo kubishakira umuti igeze.
Perezida Kagame yijeje ubufasha bw’u Rwanda mu gushyigikira inzira y’amahoro n’ibiganiro byatangijwe mu kurangiza intambara ihanganishije impande zombi, ashimangira ko hakenewe igisubizo cya politiki kugira ngo abaturage ba Sudani bave mu kaga gaterwa n’intambara.
Uyu muyobozi w’umutwe wa RSF aje mu Rwanda nyuma yuko we n’ubutegetsi bwa Sudan bahanganye batangiye inzira y’ibiganiro byo guhosha intambara iri muri iki gihugu.
