Perezida Kagame na Kenyatta bitabiriye umusangiro wateguwe na NBA (Ishyirahamwe ry’umukino wa Basketball muri Leta zunze Ubumwe za Amerika )
Perezida wa Repubulika y’u Rwanda Paul Kagame ari muri Leta Zunze Ubumwe za Amerika i New York aho kuri kuri iki cyumweru we na Perezida wa Kenya , Uhuru Kenyatta bitabiriye inama yateguwe n’Ishyirahamwe ry’umukino wa Basketball muri Leta zunze Ubumwe za Amerika (NBA).
Muri iyi nama yari irimo na komiseri wa NBA Adam Silver, umuyobozi w’inama y’ubutegetsi ya NBA, Larry Tanenbaum n’abandi bayobora iri shyiramye , Nyuma y’inama aba bakuru b’ibihugu banahuriye ku meza n’abayobozi bo muri shampiyona ya basketball muri leta zunze ubumwe za Amerika.
Mu ijambo rye Perezida Kagame yagejeje kubitabiriye iyi nama Yashimiye abakinnyi n’abagize NBA bagaruka muri Afurika ku mugabane bakomokaho bakajya gufasha n’abandi banya-Afurika kugira ngo bazagere ikirenge mu cyabo. Perezida Kagame yanavuze ko hari abanyafurika benshi bashobora gukina muri iyi shampiyona ya NBA iri muzikomeye ku Isi mu mukino w’intoki wa Basketball
Iyi nama yanitabiriwe n’Umuyobozi w’icyubahiro wa Toronto Raptors ikina Shampiyona ya Basketball muri Leta Zunze Ubumwe za Amerika (NBA), Masai Ujuri, uvuka muri Nigeria, akaba yaratangije umuryango Giants of Africa
Perezida Kagame kandi i New York biteganyijwe ko kuri uyu wa mbere 24 Nzeri 2018 aza kwitabirana inama yateguwe na UNICEF aho aza kuba ari kumwe n’abandi bayobozi b’ibihugu bitandukanye ku Isi , inama igamije gutangiza gahunda y’iterambere ry’urubyiruko aho aza no kugeza ijambo kubarayitabira.
Nyuma yaho araza no kwitabira ivuga kubyo gushyigikira cyangwa gushakira amafaranga ingamba z’iterambere z’irambye SDG’s iyi nigahunda ikomeye y’icyerekezo 2030 Isi yihaye, iyi nama iraba iyobowe n’umunyamabanga mukuru w’umuryango wabibumbye .Indi nama aritabira ni inama ivuga ku mahoro ku Isi , inama yitiriwe nyakwigendera Nelson Mandela.
Uyu munsi kandi Perezida Kagame na Madamu we bari kumwe n’abandi bayobozi bibihugu bitandukanye ku Isi baraza kwakirwa ku meza na Perezida wa Leta Zunze Ubumwe za Amerika Donald Trump ari kumwe na Madamu we.
