Pererezida Kagame yazamuye mu ntera abasirikare 727
Perezida wa Repubilika y’u Rwanda Paul Kagame akaba n’Umugaba w’Ikirenga w’Ingabo z’u Rwanda, yazamuye mu ntera abasirikare 727 abaha amapeti atandukanye guhera ku bari ba Brigadier General bagizwe ba General Major.
Itangazo ryashyizwe hanze n’Igisirikare cy’u Rwanda, rivuga ko abasirikare bane bari bafite ipeti rya Brigadier General bagizwe ba General Major. Ni mu gihe 17 bari bafite ipeti rya Colonel, bagizwe ba Brigadier General.
83 bari bafite ipeti rya Lieutenant Colonel bazamuwe mu Ntera bahabwa ipeti rya Colonel naho 98 bari bafite ipeti rya Major bo bagizwe ba Lieutenant Colonel.
Abandi basirikare bazamuwe mu ntera ni 295 bari bafite ipeti rya Captain bagizwe ba Major. Ni mu gihe bane bari bafite ipeti rya Lieutenant bo bagizwe ba Captain.
Abandi basirikare bato 226 bazamuwe mu ntera bahabwa ipeti rya Sous Lieutenant.
