Paul Pogba yaciye agahigo kari kamaze imyaka 6 gashyizweho na Wayne Rooney
Umufaransa Paul Pogba ukinira Manchester United, yaciye agahigo kari karashyizweho na Wayne Rooney muri 2012, ko kuba umukinnyi wa mbere wa Manchester United utsinze ibitego 2 mu mukino umwe, akabikora yikurikiranya.
Uyu musore yaraye atsindiye Manchester United ibitego 2 muri 4-1 iyi kipe yatsinze AFC Bournemouth, mu mukino w’umunsi wa 20 wa shampiyona y’Abongereza wari wabereye Old Trafford.
Ni nyuma gato y’uko ku munsi wa 19 wa shampiyona na bwo yari yatsinze ibitego 2 muri 3-1 Manchester United yari yatsinze Huddersfield Town.
Ibi byatumye uyu musore ukomoka muri Guinee Conakry abasha gukuraho agahigo kari kamaze imyaka itandatu gafitwe na Wayne Rooney.
Muri 2012 ubwo Manchester United yakinaga na Reading, Rooney yatsinze ibitego 2, yongera kubisubiramo ubwo ikipe ye yatsindaga Manchester City ibitego 3-2.
Uretse Pogba watsindiye Manchester, Romelu Lukaku wari umaze igihe kirekire atabona izamu na we yanyeganyije urucundura, ikindi gitego gitsindwa na Marcus Rashford. Impozamarira ya Bournemouth yabonetse mbere gato yuko igice cya mbere cy’umukino kirangira itsinzwe na Nathan Ake.
Gutsinda Huddersfield byafashije Manchester United ya gatandatu ku rutonde rwa shampiyona kotsa Arsenal iyiri imbere, kuko ubu ikinyuranyo kiri hagati y’aya makipe yombi ari amanita atatu.
