Nyuma yo kwifotoza yiyambariye ubusa , umugore wa Chameleone yibarutse

Ahagana saa Moya n’iminota 14 z’igitondo cyo kuri uyu wa Gatanu tariki ya 05 Mata 2018 ni bwo umugore wa Chameleone yibarutse nyuma y’igihe gito agaragaje ifoto y’uko akuriwe ndetse bakanamushinja kwifotoza yambaye ubusa. 

Daniella Atim Mayanja umugore w’umuhanzi ukomeye cyane muri Uganda  Jose Chameleone  mu gitondo nibwo yibarutse umwana w’umukobwa bahise baha izina rya  Xara Amani Mayanja yavukiye mu bitaro byo mu Mujyi wa Londre mu Bwongereza aho nyina yari amaze iminsi yibereye.

Abba Marcus Mayanja, Amma Christian Mayanja, Alba Shyne Mayanja na Alfa Joseph Mayanja nibo bakuru ndetse na basaza b’uyu mwana wa gatanu  Chameleone amaze kubyarana na  Daniella.

Aya makuru y’uko umuryango wa Chameleone wungutse undi mwana yemejwe na Jose Chameleone ndetse anashima  Imana kubera ibitangaza ibakoreye .

Yagize ati :”Reba ibyo Imana yankoreye, Xara Amani Mayanja yase muri twe uyu munsi saa moya na 14. Wakoze cyane Daniella ku bwo kwihangana, ubwitonzi, kunkunda ikiruta byose kumpa ibyishimo umugore wese ashobora guha umugabo we . Ndagushimiye kubw’iki gikomangoma. Urakaza neza gikomangoma Xara Amani Mayanja .”

Daniella yibarutse nyuma y’ifoto itaravuzweho rumwe n’abamukurikira kuri Instagram dore ko bamushinjaga kwambara ubusa ku karubanda kandi atwite.