Nyuma yo gutandukana na Seninga Innocent Musanze FC yanyujije umweyo no mu bakinnyi
Ikipe ya Musanze FC iherereye mu ntara ya majyaruguru mu mizi y’ibirunga yamaze kwirukana abakinnyi babiri kubera ikibazo cy’imyitwarire idahwitse nundi umwe wazize ubushobozi bwo mu kibuga.
Abakinnyi babiri basezerewe na Musanze FC ni Musa Ali Sova ukomoka mu gihugu cy’uburundi na Mutebi Rachid ukomoka mu gihugu cya Uganda bombi bazize imyitwarire mibi harimo gusinda kurwana kutitabira gahunda za ekipe, agasuzuguri n’ibindi.
Uretse abo kandi Musanze FC yatandukanye na Chambade Fred ukomoka mu gihugu cya Uganda kubera imikinire ye iri hasi cyane.
Iyikipe ya Musanze FC imaze iminsi inatandukanye nuwahoze ari umutoza wayo Seninga Innocent kugeza ubu nta mutoza mukuru irabona mu gihe Andi makipe agenda yiyubaka.
Musanze FC yanatandukanye na rutahizamu Twizerimana Onesme werekeje muri Police FC aguzwe millioni 5 rwf ndetse n’umunyezamu Ndori Jean Claude warangije amasezerano agahitamo gutandukana niyikipe kubwumvikane agahita yerekeza muri Gorilla FC
Ibi byemejwe na Timu manager wa Musanze FC Uwihoreye Ibrahim.
Yanditwe na Didier Maladonna
