Nyuma y’imyaka 17, Buffon yasezeye ikipe ya Juventus

Gianluigi Buffon usanzwe ari umuzamu wa Juventus akaba na kapiteni wayo, yatangaje ko uyu mwaka w’imikino nurangira azava muri iyi kipe yari amazemo imyaka 17.

Buffon kuri ubu ufite imyaka 40 y’amavuko, azakinira iyi kipe umukino we wa nyuma kuri uyu wa gatandatu, mu mukino wa nyuma ikipe ye ya Juventus izakiramo Verona kuri Allianz Stadium mu mujyi wa Torino.

Uyu mugabo agiye kuva muri iyi kipe, nyuma y’imyaka 17 yari amaze ayirindira izamu.

Mu kiganiro Buffon amaze kugirana n’itangazamakuru, yavuze ko umunsi wo ku wa gatandatu ari wo we wa nyuma azaba akinira ikipe ya Juventusa yatwaranye na yo ibikombe hafi ya byose ukuyemo UEFA Champions league.

Ati” Umunsi wo ku wa gatandatu ni wo munsi wanjye wa nyuma na Juventus kandi ntakereza y’uko ari yo nzira nziza yo gusoza aya mateka adasanzwe.”

“Ndateganya gukina umukino wo ku wa gatandatu, gusa ndacyagirana ibiganiro na Andrea Pirlo usanzwe unzi neza ndetse n’umujyanama wanjye ntifuza gutakaza.”

“Mu myaka 15 ishize ni bwo byamenyekanye ko nshaka guhagarika gukina, gusa kuva icyo gihe byarangoye cyane kuko nari imfite imitima ibiri hanze y’ikibuga.”

“Natinyaga kurangiza kariyeri yanjye muri Juventus nk’umukinnyi warangiye, gusa ubu ntewe ishema n’uko ubu atariko bimeze. N’ubwo mfite imyaka 40, nakomeje kwitwara neza kugeza ku munota wa nyuma.”

Buffon agiye kureka gukinira Juventus mu gihe yari amaze kuyikinira imikino 639 ya shampiyona y’Ubutariyani, akaba ari we muzamu wa mbere washoboye gukina imikino ya shampiyona y’Ubutariyani ingana gutya.