Nyuma ya Ronaldo, undi mukinnyi wa Real Madrid ari mu nzira zo kujya mu Butariyani
Nyuma y’uko Christiano Ronaldo aviriye muri Real Madrid akerekeza muri Juventus yo mu Butariyani, Karim Benzema na we ashobora kuba ari mu muryango usohoka muri iyi kipe yerekeza muri AC Milan na yo ibarizwa muri shampiyona yo mu Butariyani.
Gianluca Di Marzio, umunyamakuru wa Sky Italia, yatangaje ko AC Milan na Real Madrid zatangiye ibiganiro kuri uyu musore ukomoka mu Bufaransa mu minsi mike ishize ndetse n’abahagarariye uyu mukinnyi bakaba bari i Milan ku wa mbere w’iki cyumweru.
Amakuru akomeza avuga ko Mirabelli na Genaro Gatuso usanzwe utoza AC Milan ari bo bari gukurikirana iby’uyu mukinnyi, amakuru akavuga ko na Benzema amaze igihe kirekire ahanzwe amaso n’umutoza wa AC Mila.
Kharim Benzema ku rundi ruhande, na we yemeye kugenda na mbere y’uko amakipe yombi amakipe yombi atangira ibiganiro.
Amakuru avuga ko Karim Benzema yifuza amasezerano y’imyaka 4 muri iyi kipe ndetse n’umushahara wa miliyoni 9 z’ama Euro, gusa hategerejwe kumenya niba AC Milan izayamuha dore ko ku ruhande rwa Madrid bo basa n’aho bemeye kumurekura akigendera bijyanye n’umubano mwiza bagiranye.
