Nimero Cristiano Ronaldo yambaraga yamaze guhabwa undi mukinnyi uyambara
Nyuma yaho Cristiano Ronaldo aviriye mu ikipe ya Real Madrid benshi bibazaga uzahabwa nimero 7 yambaraga , kuri ubu ikaba imaze guhabwa Mariano Díaz Mejía wongeye gusinyira Real Madrid avuye muri Lyon yo mu Bufaransa.
Diaz Mariano w’imyaka 25 yongeye kuza muri Real Madrid atanzweho Miliyoni 33 z’amayelo avuye muri Lyon ikipe yagiyemo umwaka ushize wa 2017. Mariano yasinye amasezerano yo gukinira Real Madrid imyaka itanu ni ukuvuga ko aya masezerano azageza mu 2023 akaba agiye guhita yambara nimero 7 ku mugongo.
Muri aya masezerano ikipe ya Lyon yatangaje ko Real izayiha miliyoni 30 z’amayelo(€30 m) ikongeraho miliyoni 3 z’amayelo (€3m) z’agahimbaza mushyi mugihe Lyon yari yaramuguze miliyoni 8 z’amayelo (€8m) umwaka ushize.
Mariano mu mwaka umwe amaze muri Lyon yaytsindiye ibitego 21. Uyu mukinnyi kandi yahoze mu ikipe ya Real Madrid yagezemo mu 2012 gusa ntiyabashije kwigagaza cyane dore ko mu mukino 14 yakinnye yatsinzemo ibitego 5 gusa.
Cristiano Ronaldo w’imyaka 33 wa mbaraga iyi nimero twavuga ko yagiriye ibihe byiza muri iyi kipe aherutse kuvamo ajya muri Juventus, aho yayitsindiye ibitego 450 mu mikino 438. Uyu mukinnyi kandi igihe yari ari kumwe n’iyi kipe babashije gutwara ibikombe bya shampiyona (La Liga) 2, Copa del Reys 2, Champions League 4, UEFA Super Cups 2, FIFA Club World Cups 3 na Supercopa de Espanas 2.
Benshi mubakurikira ibyu umupira wa maguru bibazaga umukinnyi uzahabwa iyi nimero 7 yambawe n’abakinnyi bakomeye bagiye baca muri Real Madrid .
