Ngoma: Umunyamabanga Nshingwabikorwa w’ Akarere yatawe muri Yombi
Urwego rw’ Igihugu Rushinzwe Ubugenzacyaha RIB rubinyujije ku rubuga rwa X ku munsi w’ ejo tariki ya 14 Ukwakira 2023 rwatangaje ko rwataye muri yombi bamwe mu bayobozi b’ Akarere ka Ngoma bakira indonke ingana n’ amafaranga miliyoni Eshanu z’ Amanyarwanda.
Mu butumwa RIB yashyize hanze buragira buti: “RIB yafatiye mu cyuho Mutembe Tom, Umunyamabanga Nshingwabikorwa w’Akarere ka Ngoma na Mutabazi Célestin Umuyobozi Ushinzwe Ishami ry’Ibikorwaremezo n’Ubutaka muri ako Karere (One Stop Center) bakira ruswa ya 5,000,000 Frw kugirango batange icyangombwa cyo kubaka.
Yavuze ko Aba bayobozi bombi bafungiye kuri Sitasiyo ya Remera n’iya Kicukiro mu gihe dosiye yabo irimo gutunganywa ngo ishyikirizwe Ubushinjacyaha. RIB yashoje igira inama abanyarwanda n’ abaturarwanda kwitandukanya n’ingeso ya ruswa no gutanga amakuru buri gihe cyose bayisabwe cyangwa bamenye uyisaba cyangwa uyitanga.
