Myugariro wa Police FC ari mu maboko ya RIB
Munezero Fiston ukina yugarira muri Police FC ari mu maboko y’Urwego rw’igihugu rw’ubugenzacyaha (RIB) akaba akurikiranweho gutera inda umwana w’umukobwa utarageza imyaka y’ubukure.
Fiston ukinira iyi kipe ifashwa buri kimwe na Polisi y’igihugu yafashwe na RIB ubwo yari ahagurutse iwe aho atuye agiye Kicukiro aho Police FC iri gukorera imyitozo. Amakuru ahari avuga ko Munezero Fiston yaba yari asigaye yaracuditse n’umwana w’umukobwa utarageza imyaka y’ubukure akagera naho amutera inda.
Munezero Fiston yageze muri Police FC mu 2017-2018 avuye muri Rayon Sports, yabanje kugorwa no kubona umwanya uhoraho muri Police FC ariko kugeza ubu yari umukinnyi ngenderwaho mu bwugarizi bwa Police FC
Teradignews yagerageje kuvugana n’umuvugizi wa RIB, Mbabazi Modeste , ntiyagira byinshi atangaza avuga ko akiri gutegura amakuru ari butange mu masaha make ari imbere.
Turakomeza kubakurikiranira iby’iyi nkuru.
