Mugunga Yves yahagaritswe mu bikorwa byose bya Kiyovu Sports

Ikipe y’urucaca ya Kiyovu Sports yandikiye Mugunga Yves imumenyesha ko ahagaritswe mu bikorwa byose bya Kiyovu SC mu gihe kitazwi.

Nyuma y’ibaruwa rutahizamu Mungunga yandikiye Kiyovu Sports ayimenyesha ko impamvu atitabiraga imyitozo ari uko yari arwaye, asubijwe abwirwa ko ahagaritswe mu bikorwa byose bya Kiyovu SC mu gihe kitazwi.

Ibikubiye mu ibaruwa

Bwana Mugunga, nyuma yo kubona ibaruwa yawe yo ku wa 19/12/2023 isubiza iyo wari wandikiwe na Kiyivu sport igusaba kugaragaza impamvu utitabiriye imyitozo nk’abandi, twagira ngo tugire ibyo tukwibutsa bigenderwaho muri kiyovu sport:

-Kugirango hemezwe ko umukinnyi arwaye bikorerwa raporo na muganga wa ekipe nawe agendeye ku mpapuro za muganga wamugaragarije, iyo wivurije mw’ivuriro ritari irye kuko nawe afite ivuriro.

-Kuba utarahembwa ntago bisobanuye gusiba imyitozo nta ruhushya kuko ntago ari wowe wenyine wari utarahembwa icyo gihe.

-lyo sheki uvuga wahawe wayigaragariza ubuyobozi bwa ekipe kuko itari mu mazina ya kiyovu sport nabwo bukayifatira umwanzuro.

-Kuba uvuga ko icyifuzo cyawe ari ugusesa amasezerano ni uburenganzira bwawe ariko bifite inzira bicamo kuko bisaba ko impande zombi zibiganiraho zikagira icyo zemerenywaho.

Nyuma yo gusuzuma ibyo wasubije, biragaragara ko impamvu watanze zatumye usiba imyitozo icyumweru kirenga nta ruhushya nta shingiro zifite, turakumenyesha ko uhagaritswe by agateganyo mu bikorwa byose bya ekipe ya kiyovu sport kugeza igihe uzahabwa andi mabwiriza, ibindi bisobanuro birambuye ku bikureba uzagenda ubimenyeshwa.

Tukwifurije Noheli nziza n’umwaka mushya muhire.