Mu mafoto, Umukobwa yarwariye indege Safi, Harmonize akora ibidasanzwe, reba igitaramo bakoreye i Musanze

Kuri uyu wa Gatanu tariki ya 23 Werurwe 2018, The Mane Music Label yateguye igitaramo cyabereye i Musanze mu rwego rwo kumurika ku mugaragaro iyi nzu itunganya umuziki, ni igitaramo cyagaragayemo abahanzi benshi ndetse habamo n’udushya twinshi.

Iki ni igitaramo cyaririmbyemo umunya Twanzaniya Harmonize nk’umuhanzi, uyu yageze mu Rwanda mu Gitondo cyo ku wa Kane. Iki gitaramo cyatangiye saa moya z’umugoroba muri Stade Ubworoherane kirangira saa Sita z’ijoro, abafana bari benshi ndetse n’abahanzi bakizamuka bahawe umwanya bararirimba.

Mu bahanzi baririmbye harimo Christopher , Mukhadaff, King James, Riderman, Queen Cha, Ama G The Black, Safi Madiba, Marina ndetse na Harmonize wari watumiwe muri iki gitaramo nk’umunyamahanga waje kunganira aba bahanzi.

Igitaramo kirangiye hagaragaye umukobwa washakaga gukora kuri Niyibikora Safi kugeza na ho yamukurikiye akamusanga ku modoka Safi yari yajemo.

Iki gitaramo kandi cyanitabiriwe n’umuyobozi w’akarere ka Musanze yewe n’abanyamakuru batandukanye dore ko na Rutamu Elie yari yaje kwihera ijisho ibi birori.

Nyuma y’iki gitaramo cyabereye i Musanze hari ikindi kirabera i Kigali muri Camp Kigali ku ri uyu wa Gatandatu.

Photo: Leodomir Hakizimana