MTN irashinjwa gukorana n’imwe mu mitwe y’iterabwoba ikomeye ku Isi

Kompanyi nkuru ya Telefone ngendanwa muri Afurika, MTN irashinjwa ko yaba yarahaye imitwe y’iterabwoba igendera ku mahame akarishye ya Islam muri Afghanistani amafaranga yo kwifashisha mu bikorwa byabo byo kuyogoza umutekano wa rubanda.

Ibyo birego byatanzwe mu rubanza rwaciwe ku wa Gatanu w’Icyumweru gishize muri Leta zuzne ubumwe za Amerika, bivuga ko iyi Kompanyi ya MTN yahonyanze amategeko ya Amerika arwanya iterabwoba.

Urwo rubanza rwaciwe ku izina ry’imiryango y’abanyamerika bishwe mu bitero byo muri Afghanistani.

Hari n’ayandi makompanyi atanu avugwa muri urwo rubanza.

Muri urwo rubanza, MTN iregwa ko yahaye ubufasha Al-Qaïda hamwe n’abarwanyi b’aba Talibani mu ntumbero yo gukomeza kubungabunga umutekano w’iminara yayo.

Ayo mafaranga avugwa ko yaba yarifashishijwe mu mimyigaragambyo yateguwe n’abatalibani, yatumye haba ibitero muri Afghanistani hagati ya 2009 na 2017, nk’uko ibyo birego bivuga.

Iyo kompanyi yo muri Afurika y’Epfo yemeza ko yo ikora ibikorwa byayo “mu buryo bwemewe n’amategeko mu bihugu byose ikoreramo”.

MTN niyo kompanyi ya mbere ikomeye ya terefone ngendanwa muri Afrika, ikaba iya munani ku rwego rw’isi, ikaba ifite abanyamuryango babarirwa muri miliyoni 240.

Mu 2015, abayobozi ba Nigeria baciye iyi kompanyi ihazabu ya Miliyari zirenga 5 z’amadolari y’’Amerika kubera kwirengagiza guhagarika amasimukadi yayo atari abaruwe.

Icyo gihano cyagabanyijwe kigirwa miliyari zigera kuri 1.7, ariko habanje kubaho impaka ndende, bituma n’uwari umukuru w’igihugu cya Afurika y’Epfo Jacob Zuma atanga ubufasha.

Muri Gashyantare 2019, uwahoze ari perezida w’icyo gihugu muri Irani yarahagaritswe ku murwa mukuru Pretoria, ashinjwa ko yariye ruswa kugira afashe MTN kubona uruhusha rwa miliyari 31.6 rwo gukorera muri Irani.