Miss w’Ubufaransa azaba ari mu bagize akanama nkemurampaka mu gutora Miss Rwanda 2018
Sonia Rolland wabaye Nyampinga w’u Bufaransa mu 2000 yemeje ko azaza mu Rwanda mu gikorwa cyo gutora Nyampinga w’u Rwanda 2018.
Iki ni igikorwa kizaba kuya 24 Gashyantare 2018 muri Kigali Convention Center, uyu akaba asanzwe ari umunyarwanda ariko ufite ubwenegihugu bw’Ubufaransa ndetse akaba yarananditse amateka akaba umunya-Afurika wa mbere wabaye Nyampinga w’u Bufaransa mu 2000,
Abategura irushanwa rya Miss Rwanda, bashyize kuri Twitter amashusho y’abakobwa bahataniye ikamba rya Nyampinga w’u Rwanda 2018 bari mu mwiherero, aba bakobwa basaga nabaha ikaze Sonia ubwo baririmbiraga Sonia Rolland bamwifuriza isabukuru nziza kandi bafite amatsiko menshi yo kumubona ku munsi wa nyuma w’iri irushanwa rigeze ahakomeye.
Video: #MissRwanda2018 contestants paused for few minutes at the boot camp to join @SoniaRolland in celebrating her birthday! Sonia Rolland who was crowned Miss France in 2000 celebrated her birthday this Sunday. @Cogebanque1 @FlyRwandAir @RadissonKigali @MissWorldLtd @Imbuto pic.twitter.com/II82FuavpM
— Miss Rwanda (@MissRwandaDotRW) February 11, 2018
Sonia Rolland nawe yahise abasubiza abashimira kandi ko nawe afite amatsiko menshi y’umunsi wa nyuma wa Miss Rwanda 2018.
Sonia Rolland azaba ari umwe mu bagize akanama nkempurampaka kuri uwo munsi, akaba atari ubwa mbere kuko no muri 2009 ubwo hatorwaga Nyampinga w’u Rwanda nabwo yari ahari.
Irushanwa rya Miss Rwanda 2018 rigeze ahakomeye, ubu abakobwa 20 bazatorwamo umwe uzaba Nyampinga w’u rwanda ndetse n’ibisonga bizamugaragira, bari mu mwiherero i Nyamata, aba bakobwa bakomeje gukora ibikorwa bitandukanye ndetse bakaba banigirayo byinshi biranga umuco w’igihugu cy’u Rwanda.
Mu byo bari gukora bari gucishamo bakanakora imyitozo ngorora mubiri ndetse bakanajya kureba umupira w’amaguru dore ko k’umukino wa Rayon Sports na LLB ndetse no kuwa APR FC bari bahari.
