Miss World 2018: Iradukunda Liliane ntiyahiriwe mu irushanwa ryo kumurika imideri (Miss World Top Model)
Mu irushanwa ry’ubwiza, Miss World riri kubera mu Bushinwa abi nkwakuzi batangiye kwegukana ibihembo byibanze muri iri rushanwa rizasozwa ku wa 8 Ukuboza 2018 , kuri uyu munsi mu gace ko kureba umukobwa uhiga abandi mu kumurika imideli (Miss World Top Model), Iradukunda Liliane uhagarariye u Rwanda ntiyahiriwe n’aka gace.
Ku wa Kabiri taliki ya 20 Ugushyingo nibwo hatangiye guhatanirwa bimwe mu bihembo byibanze biba muri iri rushanwa rya Miss World, Mu gace kabaye uyu munsi ko kureba umukobwa uhiga abandi mu kumurika imideri neza igihembo cyahawe Miss Maëva Coucke uhagarariye igihugu cy’Ubufaransa.
Kuri Miss Iradukunda Liliane ntiyahiriwe n’uyu munsi dore ko atanabashije kuza muri muri 30 ba mbere mu bakobwa 118 bahataniraga iki gihembo bavuyemo 5 batoranyijwemo umukobwa umwe uhiga abandi wegukana iki gihembo cyo kumurika imideli neza kurusha abandi. Batannu ba mbere muri iki cyiciro cyiswe Miss World Top Model bafite amahirwe yo kugera kuri final ya Miss World
Miss Iradukunda nubwo atahiriwe n’uyu munsi yiyerekanye yambaye inkanzu y’imweru yambitswe na Tanga Design imwe mu nzu z’imideli zikomeye i Kigali. Ibi hugu bifite abakobwa bitwaye neza muri aka gace harimo Ubufaransa (France ), Ubushinwa(China ), Senegal , Korea na Afurika y’Epfo (South Africa).
Urugendo ruracyakomeje kuri Miss Iradukunda Liliane nubwo atahiriwe n’uyu munsi haracyari ibindi bihembo byo gutangwa bibanziriza igihembo nyamukuru cyo gutanga ikimba ry’ubaye Miss World w’uyu mwaka wa 2018.
