Miss Earth2018: Umutoniwase Anastasie yiyerekanye mu mwambaro wa bikini (+Amafoto)
Miss Umutoniwase Anastasie uhagarariye u Rwanda mu irushanwa rya Miss Earth 2018, bwa mbere arushanwa mu iri rushanwa ririkubera muri Phillipine yiyerekanye yambaye bikini umwambaro udakunzwe kuvugwaho rumwe mu Rwanda.
Miss Anastasie ni ubwa mbere yari arushanijwe n’abandi dore ko we yageze muri Philipine akerewe ho gato. Kwiyerekana bambaye uyu mwambaro wa Bikini kubakobwa bahatanira iri kamba rya Miss Earth 2018 byabaye ku wa 19 Ukwakira .
Kuri iyi nshuro abakobwa bahatanye batambuka imbere yakanama nkemurampaka bambaye Bikini ni abakomoka mu bihugu birimo U Rwanda , South Africa, Nigeria. Argentina, Armenia, Australia, Bolivia, Curacao, Czech Republic, Denmark, Dominican Republic, Germany, Greece, Honduras, Korea, Malaysia, Montenegro, Nepal, Netherlands, Panama, Poland, Romania, Russia, Sierra Leone, Singapore, Spain, Sweden, Thailand, USAna Venezuela, itsinda ry’ibi bihugu ryiswe ‘Fire Group’
Uyu munyarwandakazi w’imyaka 18 ntiyahiriwe n’iki cyiciro kuko imidari itatu ihabwa abahize abandi yahawe abakomoka batatu bo muri Espagne, Dominican Republic na Venezuela.
Uyu mwambaro ni umwe mumyambara itavugwaho rumwe na benshi hano mu Rwanda cyane ko hari abavuga ko umwari w’umunyarwandakazi adakwiriye kwiyerekana yambaye uyu mwenda babifata nko kwambara ubusa muruhame abandi bo bawugarukaho bavuga ko ari amarushanwa nkayandi , mugihe yitabiriye irushwana ririmo kuwambara aba agomba kuwambara ntacyo bitwaye, kuko ntacyo aba yishe.
Biteganyijwe ko ku wa 03 Ugushyingo 2018 aribwo iri rushanwa rya Miss Earth 2018 rizasozwa mu birori bizabera muri Mall of Asia Arena mu gace ka Metro Manila muri Philippines.
