Minisitiri BIRUTA yahaye Bwana SEMAFARA impano idasanzwe

SEMAFARA Ntaganda John wari Umuyobozi Mukuru wa Meteo Rwanda yatanze ubuyobozi bw’iki kigo kuri Gahigi Aimable maze ahabwa impano idasanzwe yashyikirijwe na Dr Vincent BIRUTA Minisitiri w’ibidukikije.

 

Ku munsi wa st valentin aho abatari bake bizihiza urukundo ni umunsi utazibagirana mu mateka ya Bwana Semafara Ntaganda John wari  usanzwe ari umuyobozi mukuru w’ Ikigo gishinzwe Ubumenyi bw’Ikirere (Meteo Rwanda) wahawe impano idasanzwe ashimirwa ko yitanze mu kazi ke ka buri munsi ndetse akaba agiye mu kiruhuko cy’izabukuru nta mugayo atahanye.

Dr Vincent BIRUTA Minisitiri w’ibidukikije mu magambo ye yagize ati:”wakoze neza waritanze mu kazi kawe ka buri munsi kandi uwakoze neza arashimirwa, twakugeneye impano y’ishimwe kandi iyi mpano izagufasha kubaho neza kuko ijyanye na siporo kandi ukaba uyikunda”.

                                                  Bwana SEMAFARA yahawe impano y’ishimwe

Naho Bwana SEMAFARA we yashimiye ubufatanye yagaragarijwe na Minisitiri BIRUTA nk’umuntu bakoranye mu kazi kanyuranye ndetse ashimishwa n’iyi mpano yahawe ashimira buri wese yaba abo bakoranye ndetse n’ubuyobozi bw’igihugu bwamugiriye icyizere mu gihe yari amaze dore ko yari amaze imyaka 24 yose ari ku buyobozi bw’iki kigo.

Uwamaze kumusimburwa Bwana Gahigi Aimable akaba yamushimiye umurava we n’ubwitange yagaragaje ndetse anamuha ikiganza cy’urukundo n’ishimwe.

Iyi mpano idasanzwe yashyikirijwe Bwana SEMAFARA ikaba yaherekejwe na seritifika (certificat) y’ishimwe byose  akaba yabishikirijwe na Nyakubahwa Dr Vincent BIRUTA Minisitiri w’ibidukikije mu Rwanda.

                                       Bwana Gahigi Aimable umuyobozi mushyashya