Mico The Best yageneye ubutumwa urubyiruko n’abahanzi muri iki gihe cyo kwibuka Jenoside yakorewe Abatutsi
Umuhanzi w’Umunyarwanda Mico The Best muri iki gihe cyo kwibuka Jenoside yakorewe Abatutsi mu Rwanda muw’1994, yifatanyije n’Abanyarwanda bose anaboneraho umwanya wo guha urubyiruko rw’u Rwanda ubutumwa bwarufasha kwitwara neza muri ibi bihe.
Uyu muhanzi kandi mu butumwa bwe yasabye urubyiruko n’Abahanzi bagenzi be ko barushaho gufatanyiriza hamwe mu kwirinda no kurwanya ingengabitekerezo ya Jenoside hakumirwa burundu umwuka mubi uwo ari wo wose watuma u Rwanda rusubira mu ihe bibi rwanyuzemo.
Yagize Ati:” Muri iki gihe cyo kwibuka abacu bazize Jenoside yakorewe Abatutsi muw’1994, nk’umuhanzi w’Umunyarwanda nasabaga Abanyarwanda bose muri rusange, urubyiruko n’Abahanzi bagenzi banjye gufatanyiriza hamwe tukarwanya ingengabitekerezo ya Jenoside tukayirandurana n’imizi yayo yose Twibuke kandi Twiyubaka”.
Mico The Best asanga mu gihe Abanyarwanda bose baba bahurije hamwe imbaraga zabo mu gukumira ikibi, nta hantu na hamwe hashobora guca umwuka mubi watuma intumbero igihugu cy’u Rwanda gifite isubira inyuma.
Ibi yabikomojeho mu gihe Abanyarwanda bose ejo ku Cyumweru taliki ya 7 Mata 2019,aribwo batangiye igikorwa cyo kwibuka Jenoside yakorewe Abatutsi muw’1994, aho ibiganiro byabereye mu midugudu yose yo mu gihugu ndetse hagakorwa n’urugendo ku nzibutso zishyinguwe mo imibiri y’Abatutsi bishwe.
Mico The Best mu butumwa bwe yarangije yihanganisha Abacitse ku icumu rya Jenoside,agaragaza ko ku rwanya burundu ingengabitekerezo ya Jenoside bizatuma icyizere cyo kubaho neza no kugira iteramberemu Banyarwanda birushaho kwiyongera.
