Michele Iradukunda nyuma yo gukora ubukwe yakiriye indi nkuru nziza
Umunyamakuru Michele Iradukunda abenshi bamenye mu mwuga w’itangazamakuru ndetse akaza no kugaragara mu bakobwa bahataniraga ikamba rya Miss Rwanda 2009, nyuma yo gukora ubukwe yibarutse umwana w’imfura.
Michel Iradukunda yakoze ubukwe na David Humud Taliki ya 11 na 12 Kanama 2017 imihango yo gusaba no gukwa ndestse no gusezerana imbere y’Imana byose byabereye mu Karere ka Huyeho mu ntara y’Amajyepfo, kugeza ubu rero uyu Michel umenyerewe mu biganiro by’imyidagaduro yamaze kwibaruka imfura ye y’umuhungu.
Kuri uyu wa mbere taliki ya 30 Mata 2018 nibwo iyi nkuru nziza yageze mu muryango wa David na Michele ubwo Michelle yibarukaga umwana w’umuhungu ahagana saa cyenda z’amanyanywa nk’uko bigaragara ku rubuga rwa Instagram rwa Magic FM asanzwe anakoraho.
Umunyamakurukazi Michele Iradukunda w’Ikigo cy’Igihugu cy’Itangazamakuru [RBA] muri 2009 yiyamamarije kuba nyampinga w’u Rwanda ntiyagira amahirwe yo kwegukana ikamba gusa aza muri batanu ba mbere, mu 2010 yongera kujya mu marushanwa y’ubwiza nanone ariko noneho yiyamamariza kuba nyampinga w’icyahoze ari kaminuza nkuru y’u Rwanda[UNR] maze aba igisonga cya mbere.
Michele mu 2013 nibwo yinjiye mu mwuga w’itangazamakuru maze ku ikubitiro akorera Radiyo Isango Star, ariko aza kuhava ajya gukorera Ikigo cy’Igihugu cy’itangazamakuru [RBA] akaba ahakora cyane cyane mu biganiro by’imyidagaduro bica kuri Radiyo Rwanda , Televiziyo y’u Rwanda ndetse na Magic FM.
