Menya akamaro ko kurya Tungurusumu kenshi mu buzima bwawe
Tungurusumu ni kimwe mu birungo dukunda gukoresha mu rugo kenshi,tuyiteka mu biryo,nyamara benshi ntituzi ko ari n’umuti ushobora kuturinda cg ukatuvura indwara nyinshi zitandukanye.
Muri iyi nkuru turabagezaho intungamubiri ziri muri tungurusumu,n’indwara ishobora kukurinda cg kukuvura.
Muri tungurusumu dusangamo intungamubiri zitandukanye zirimo :
- Vitamini B6
- Vitamini C
- Umunyungugu wa Manganeze
- Umunyungugu wa Seleniyumu
- Umunyungugu wa karisiyumu
- Ubutare bwa Fer
- Umunyungugu wa potasiyumu
- Umunyungugu wa Fosifore
- Vitamini B1
- Vitamini B2
- Vitamini B3
- Vitmini B5
- Vitamini B9
- Umunyungugu wa Zinc
- Umunyungugu wa manyeziyumu
- Umunyungugu wa cuivre
- Intungamubiri ya Allicin
- nibindi….
Reka turebere hamwe rero akamaro ka tungurusumu :
1.Tungurusumu igabanya isukari mu mubiri :
Tungurusumu ishobora kugabanya isukari mu maraso cyane cyane ku bantu bafite uburwayi bwa diyabete yo mu bwoko bwa kabiri ,iyi diyabete ni yo ikunze kurwarwa n’abantu benshi,ikaba irangwa no kuzamuka kw’igipimo cy’isukari mu maraso
2.Kurinda no gukomeza amagufa :
Tungurusumu yifitemo ubushobozi bwo gukomeza amagufa no kuyongerera umubyimba,bitewe na imyunyungugu iyirimo.
3.Kugabanya umuvuduko ukabije w’amaraso
Tungurusumu ishobora kugabanya ikanashyira ku murongo umuvuduko ukabije w’amaraso.
4.Kugabanya ibyago byo kurwara kanseri
Tungurusumu igabanya ibyago byo kurwara,cyane cyane iyo mu gifu.
5.Kugabanya ibyago byo kurwara umutima
Kurya tungurusumu bigabanya ibyago byo kwibasirwa n’indwara z’umutima , kuko ifasha umubiri kugabanya ibinure bibi byo mu bwoko bwa koresiteroli bishobora gupfukirana umutima no kuziba imitsi itwara amaraso.
6.Kubaka ubudahangarwa bw’umubiri
Tungurusumu yifitemo ubushobozi bwo kubaka no kuzamura ubudahangarwa bw’umubiri bikanatuma igira uruhare runini mu kuvura indwara z’ibicurane . ibi bikanatuma kandi igira ubushobozi nk’ubw’imiti ya antibiotic na antiviral .
7. Kurinda amaraso kwipfundika
Tungurusumu iri mu birinda amaraso kwipfundika,bityo bikagabanya ibyago byo kurwara stroke n’indwara z’umutima.
