06/09/2019 Leo Hakizimana

Meddy yise umwana w’Ingagi izina ry’indirimbo ye

Umuhanzi Meddy uri mu byamamare byise abana b’ingagi amazina kuri uyu wa Gatanu, yahise kwita umwana w’ingagi ‘Inkoramutima’ mu gihe afite n’indirimbo yitwa ‘Inkoramutima’.

Abaturage babarirwa mu bihumbi bazindukiye mu Kinigi mu Karere ka Musanze ahabereye umuhango wo kwita amazina abana b’ingagi 25 bavutse mu mwaka ushize.

Uyu muhango ngarukamwaka wabaga ku nshuro ya 15, uhuriza hamwe ibyamamare mu ngeri zitandukanye, bita abana b’ingagi amazina.

Kuva umuhango wo Kwita Izina watangizwa mu 2005, abana b’ingagi 281 bamaze guhabwa amazina.

Abana b’ingagi bahabwa amazina ni abo mu miryango ya Amahoro, Umubano, Hirwa, Igisha, Isimbi, Muhoza, Kwitonda, Sabyinyo, Susa, Pablo, Kuryama, Mafunzo, Kureba, Musirikali na Ntambara.

Nyuma y’uyu muhango hateganyijwe igitaramo kizabera muri Kigali Arena kuri uyu wa Gatandatu, kizahuza abahanzi babanyarwanda nka Bruce Melody, Riderman, Charly na Nina, Meddy na NE-YO waturutse muri leta zunze ubumwe za Amerika.

Amwe mu mazina bise ingagi:

Jeremy Jauncey: Yise ingagi izina ‘Ingando’