Malawi: Abaturage bicishije Umupolisi amabuye
I gipolisi cyo muri Malawi muri iki gitondo cyom kuwa 09 Ukwakira cyatangaje ko umwe mu bapolisi bacyo yicishijwe amabuye n’abigaragambyaga ku wa Kabiri, mu gace ka Msundwe gaherereye mu burengerazuba bw’umujyi wa Lilongwe.
Ni umwe mu bapolisi bari boherejwe gukumira abigaragambya mu gace ka Msundwe, aho abatavuga rumwe na Leta bari bashyamiranye n’abashyigikiye Perezida w’iki gihugu Peter Mutharika.
Umuvugizi wa Polisi, James Kadadzerab yabwiye Ibiro Ntaramakuru by’Abafaransa, AFP ko uwo mupolisi uzwi nka Usumani Imedi yicishijwe amabuye, akicwa n’abigaragambya b’abanyabyaha.
Abatavuga rumwe na Leta bari bari kwigaragambya kuko batamera ibyavuye mu matora yabaye muri Gicurasi, aho Peter Mutharika n’ishyaka rya ari bo bayatsinze.
Polisi yagerageje gutatanya abigaragambyaga cyane cyane ku ruhande rw’abatavuga rumwe na Leta ariko nabo birwanyeho bakoresheje amabuye ari naho bayetereye umupolisi kugeza apfuye. Kugeza ubu abantu 12 nibo batawe muri yombi ndetse ngo hari n’abandi bashobora gutabwa muri yombi.
