Madamu Jeannette Kagame nibindi byamamare bya hano m’u Rwanda bari mubitabiriye igitaramo Somi yakoreye i Kigali

waSomi ni umuririmbyikazi ukomeye  winjyana ya Jazz ufite inkomoko hano murwanda, mugitaramo yakoreye i Kigali mu ijoro ryo kuwa 13/Gashyantare/2018 cyitabiriwe nabantu bafite izina rikomeye hano mu Rwanda harimo na n’umufasha w’umukuru w’igihugu Madamu Jeannette Kagame nabandi bagiye batandukanye.

Iki gitaramo cyabereye muri hoteli imwe yahano mu Rwanda Marriott Hotel  kwinjira byari ibihumbi makumyabiri nabitanu(25.oooRwf) mu myanya ihasanzwe n’ibihumbi mirongo itanu(50.000Rwf) mu myanya y’icyubahiro. Iki gitaramo Laura Kabasomi Kakoma wamenyekanye ku izina rya Somi  yakoreye i kigali  kije  gikurikira icyo yakoreye muri Kenya akaba agiye gukurikizaho ikindi azakorera muri Africa y’epfo.

Somi ubwo yari mugitaramo hagati  yigiye imbere aramukanya na Madamu Jeannette Kagame  nabandi banyacyubahiro bari barikumwe nawe ndeste agenda asuhuza nabandi bakunzi b’umuziki bari baje kumushyigikira barimo:Cecile Kayirebwa,Might Popo, Phionah Mbabazi, nabandi ………

Somi wari wizaniye itsinda ryabacuranzi bamucurangiye muri iki gitaramo ni umurimbyikazi ukorera umuziki we Amerika(USA) doreko afitanye amasezerano n’inzu ikomeye mubyamuzika  ya Sony Music yasinye muri 2013. Uyumuhanzikazi  yegukanye igihembo ubwo bahembaga abahanzi bitwaye neza muri Leta zunze ubumwe z’ Amerika ibihembo byiswe“NAACP Image Awards” byatangiwe i Los Angeles.

Somi yaherukaga kuririmbira hano  mu Rwanda  mu mwaka wa 2010 ubwo yari aje mu iserukiramuco rya FESPAD ryabereye kuri Stade Amahoro. ubusanzwe avuka kuri Dr. Ibulaimu Kakoma na Elizabeth Nyarubona Kakoma yavukiye muri Leta Zunze Ubumwe z’Amerika nyina umubyara ni Umunyarwandakazi Se akaba umugande.