#Kwibuka25: Radiyo zose zo mu Rwanda zirafata umunota wo kwibuka
Ni uyu munsi ku wa Kabiri tariki 9 Mata 2019 Saa kumi n’ebyiri n’igice z’umugoroba, Radiyo zose zikorera mu Rwanda ziratambutsa ubutumwa bumwe, hibukwa inzirakarengane zirimo n’abanyamakuru bazize Jenoside yakorewe Abatutsi.
Muri Jenoside mu basaga miliyoni bishwe harimo abanyamakuru bagera kuri 50 bakoreraga ibinyamakuru bitandukanye.
Kuri uyu wa Kabiri haraba umuhango wo kubibuka.
Umuyobozi w’Ikigo cy’Igihugu cy’itangazamakuru, RBA, Arthur Asiimwe, yatangaje ko Radiyo zose zo mu gihugu zirafata umunota wo kwibuka zicishaho ubutumwa bugamije kwibuka abazize Jenoside, hibanzwe ku itangazamakuru.
Ni ubutumwa bugaruka mu magambo macye ku banyamakuru bishwe bazizwa umurongo bakoreragamo udashyigikiye Jenoside, abishwe batunzwe agatoki n’itangazamakuru rutwitsi n’uburyo itangazamakuru ubu riri imbere mu gusana igihugu.
Ibikorwa byo kwibuka abanyamakuru bazize Jenoside biratangizwa n’urugendo rwo kwibuka rutangirira muri Car Free Zone mu mujyi rwagati kugera Camp Kigali ahari butangirwe ibiganiro.
Bimwe mu binyamakuru byagize uruhare rukomeye mu kubiba urwango mu banyarwanda bishishikariza abahutu kwanga no kwica abatutsi, ku isonga hari ibinyamakuru nka Kangura na RTLM.
Dore amazina y’abanyamakuru 50 bazize Jenoside yakorewe abatutsi, n’ibitangazamakuru bakoreraga.
ORINFOR (RBA)
1. RUBWIRIZA Tharcisse
2 .MWUMVANEZA Médard
3. GASANA Cyprien
4. KARAKE Claver
5. KARAMBIZI Gracien
6. KARINDA Viateur
7. RUDAHANGARWA J. Baptiste
8. SEBANANI André
9. KALISA Callixte
10. NSABIMANA Emmanuel
11. BUCYANA Jean Bosco
12. MBUNDA Felix
13. MUNYARIGOGA Jean Claude
14. NSHIMIYIRYO Eudes
LE PARTISANT
15. HABINEZA Aphrodice (SIBO)
LE TRIBUNE DU PEUPLE
16. MUKAMA Eugène
17. HATEGEKIMANA Wilson
18. GAKWAYA Eugène
19. RUGAJU Jean Claude
LE FLAMBEAU
20. BAZIMAZIKI Obed
21. KARINGANIRE Charles
22 .MUNANA Gilbert RAFIKI
23. KAYIHURA Octave
24. NTAGANZWA Alexis
KINYAMATEKA
25. NKUBIRI Sylvestre
26. MUGANZA Clement
27. KAYINAMURA M.Beduwa
28. SERUVUMBA Anastase
LE SOLEIL
29. KAYIRANGA Marcelin
30. MUKAMUSONI Jeanne d’Arc
31. BURASA Prisca
ISIBO
32. MURERAMANZI Néhémie
KANYARWANDA
33. NKUNDIMANA Joel
34. MUTESA Donat
KANGUKA
35. RWABUKWISI Vincent (RAVI)
36. MBARAGA Wellars
KIBERINKA
37. SHABAKAKA Vincent
38. NYIMBUZI Aloys
39. KAMANAYO Théotime
RWANDA RUSHYA
40. KAMURASE Martin
41. MUDATSIKIRA Joseph
42. KAMEYA André
L’OBSERVATEUR
43. MUNYAKAZI Bernard
ABIKORERAGA KU GITI CYABO
44. MBUGUJE Sixbert
45. MUKAMANA Winifried
46. RUKUNDO Emmanuel
47. RUTSINDURA Emmanuel
48. RUTSINDURA Alphonse
49. RWEMARIKA Claude
50. TWAGIRAMUNGU Felix
