ku nshuro ya mbere Jay z na Beyonce bashyize hanze amafoto y’impanga baherutse kwibaruka

umwaka ushize wa 2017 nibwo Umuririmbyi w’ikirangirire ku isi mu njyana ya pop,Beyoncé Giselle Knowles-Carter  uzwi ku izina rya Beyonce n’umugabo we w’icyamamare mu jyana ya Rap witwa Jay Z bari mu byishimo bikomeye nyuma yo kwibaruka impanga.

Amakuru yo kwibaruka kwa Beyonce yabaye ibanga rikomeye dore ko banyiri ubwite birinze ku bivugaho ahubwo ababyemezaga bakaba baragenderaga ku kuba uyu mugore yaragaragaye atwite ubwo yinjiraga mu bitaro by’I Los Angeles afite ikarita yo kwivurizaho yanditseho ‘B+J’ inyuguti zibanza z’amazina ya Beyonce na Jay Z.

Gusa Beyonce umugore w’umuraperi Jay Z  yaje kwemeza ko atwite impanga muri gashyantare 2017 nabwo abinyujije kuri instagram ye , aha akaba yarashyizeho ifoto igaragaza ko atwite ndetse iza no kwandika amateka yo kuba ariyo foto yakunzwe cyane kurusha izindi mu mateka y’uru rubuga.

Beyonce na Jay Z basanzwe bafitanye umwana w’umukobwa witwa Blue Ivy ufite imyaka itanu y’amavuko ndetse nizo mpanga zitigeze zigaragazwa n’umunsi numwe amasura yabo kuri ubu uyu muryango waba bombi washyize hanze amafoto agaragaza abana b’impanga bafitanye bitwa Rumi na Sir Carter mbere yo gutangira uruhurirane rw’ibitaramo bagiye gukora hirya no hino ku isi.

Aya mafoto Jay Z na Beyonce y’impanga zabo Rumi na Sir Carter bayerekanye mbere yo gutangira uruhurirane rw’ibitaramo bagiye gukora hirya no hino ku isi maze bwa mbere bagaragara bateruye abana babo b’impanga aho bamwe mu bitabiriye igitaramo cyabo cya mbere mu mujyi wa Cardiff bishimye cyane ndetse babakomera amashyi.

Muri aya amafoto yashyizwe hanze,yaba Beyonce na Jay Z buri wese yari afashe aba bana bombi.
Beyonce ari kugenda yamamaza zimwe mu ndirimbo ziri kuri muzingo aherutse gusohora witwa Lemonade.

Beyonce na Jay Z babyaye impanga muri Kamena umwaka ushize ndetse baza gukomeza kugira ibanga aba bana babo,umwaka urinda urangira.