Ku myaka 41 y’amavuko Pepe yasezeye kuri ruhago

Umukinnyi wanejeje benshi mu kibuga wo mu gihugu cya Portugal wamamaye mu bwugarizi w’amakipe atandukanye, Pepe yamaze gutangaza ko yasezeye ku mupira w’amaguru ku myaka 41 y’amavuko.

Ku mugoroba wo kuri uyu wa Kane ku itariki 8 Kanama, nibwo Pepe yatangaje ko yaretse umupira w’amaguru.

Ubusanzwe, yitwa Kepler Laveran de Lima Ferreira, azwi nka Pepe. Uyu myugariro utazava mu mitwe ya benshi aconga ruhago, yarabiciye biracika mu makipe nka Real Madrid na Porto.

Uretse kwamamara muri Real Madrid, Pepe ni umwe mu bakinnyi bafashije ibihugu byabo mu mikino myinshi, aho yari amaze kuyikinira imikino 141.

Mu 2016, Pepe afatanyije n’abandi banya-Portugal barimo Cristiano Ronaldo, begukanye igikombe cya Euro, batsinze Abafaransa ku mukino wa nyuma.Pepe kandi yaherukaga mu ikipe y’igihugu ya Portugal muri Euro ya 2024 ubwo baviriyemo muri kimwe cya kane, bakuwemo n’u Bufaransa.

Mu 1995, nibwo Pepe yatangiye umupira w’amaguru, awutangirira muri Corinthians Alagoano Academy, ayikinira kugera mu 2001.

Kuva muri 2001, Pepe yatangiye gukina nk’umukinnyi wabigize umwuga, aho yatangiye akinira Mortimo ya kabiri, iyi akaba yarayikiniye imikino 14.

Kuva mu 2002 kugera mu 2004, Pepe yakiniye Moltomo ya mbere imikino 63, ayitsindira ibitego bitatu.

Pep kandi yanyuze mu Makipe arimo Porto, Real Madrid na Besktas Istanbul.

Yasezeye ruhago nyuma y’uko yari aherutse gutangazwa ko azabikora ari Uko Ronaldo nawe yemeye gusezera umupira w’amaguru.