Ku mugabane w’Uburayi hadutse ubwoko bushya bwa Covid-19

Mu gihe ibihugu bimwe na bimwe ubwandu bwa Covid-19 bugenda bugabanuka hari nibyasubiye mu buzima busanzwe I Burayi ho ibintu bikomeje gusubira irudubi kuko hadutse ubwoko bushya bwa Covid-19 bishwe ” Nu “.

Nko mu Bwongereza hadutse ubundi bwoko bwa COVID-19 bwise Nu. Bwatumye umubare w’abanduye n’abahitanwa na kiriya cyorezo wiyongera ndetse na Minisiteri y’ubuzima itegeka abaturage guhabwa urundi rukingo rwo kubongerera imbaraga.

Abahanga mu buvuzi ubu bwoko bushya babwise NU , ubu bukaba ari ubwandu buje busanga ubundi bwitwa MU bwari bumaze iminsi buvugwa hirya no hino ku isi.

Ikibazo gihari muri iki gihe ni ukureba niba abaturage bazongera ‘gutegekwa’ kongera kwambara agapfukamunwa bari bamaze kumenyera kutakambara.

Biravugwa ko abaturage bagomba guhabwa urundi rukingo kugira ngo rubongerere ubudahangarwa, bazashobore guhangana n’ubwandu bushya bwahadutse.

Kuri ubu abakora inkingo bafite ikibazo cyo gukora uko bashoboye ngo basohore inkingo zo guha abaturage kugira ngo ubwandu bushya buri kuvugwa muri iki gihe buzasange barakingiwe.

Mu minsi ishize mu Bwongereza haherutse kwandura abantu 50,000 mu munsi umwe.

Hari n’abavuga ko muri kiriya gihugu hashobora gushyirwaho indi Guma mu Rugo cyangwa izindi ngamba zikomeye zo gukumira ubwandu bwa kiriya cyorezo.

Kugeza ubu ku Isi hamaze kwanduka amoko 13 ya COVID-19 aya yose yahawe aya mazina yose yatanzwe hakurikijwe inyajwi zigize Ikigereki.

Harimo ; – Alpha( mu Bwongereza), -Beta( muri Afurika y’Epfo), -Gamma( muri Brazil),-Delta( mu Buhinde),
-Epsilon( muri Amerika), -Zeta( muri Brazil), -Eta( muri Nigeria),-Theta( muri Philippines), -Iota( muri Amerika), -Kappa( mu Buhinde), -Lambda( muri Thailand), -Mu ( muri Colombia)

Kugeza ubu ntiharamenyekana neza inkomoko ya nyayo yaho ubu bwandu bushya bwaba bwaravuye.