Kim Kardashian yabatirijwe rimwe n’abana be muri Armenia (+AMAFOTO)

Kim Kardashian n’abana be batatu babatijwe ku wa mbere tariki 7 Ukwakira 2019 muri Katederali ya Etchmiadzin yo mu itorero ry’Armenia rishingiye ku ntumwa [Armenian Apostolic Church].

Uru rusengero Kim Kardashian yabatirijwemo n’abana be rwubatswe mu myaka 303 mbere ivuka rya Yezu Kristu. Umuryango wa Kim Kardashin na Kanye West ukunze kugaragaza ko ari abakirisitu.

Mu mafoto yashyize kuri konti ye Instagram agaragara ari kumwe n’abana be mu rusengero ndetse bambaye imyambaro abayoke b’iri dini bambara mu minsi mikuru ikomeye.

Kim Kardashian mu butumwa yashyize ku rubuga rwa Instagram , uyu munyamideli  yashimiye Armenia avuga ko urugendo yagiriye muri iki gihugu rutazibagirana.

“Mwakoze Armenia, ku bw’uru rugendo rutazibagirana. Nagize umugisha wo kubatizanywa n’abana banjye muri Katederali ya Echmiadzin.”

Kimd Kardashian na Kany West umwana wabo wa kane baheruka kubyarirwa n’undi mugore bamwise Psalm cyangwa Zaburi nka kimwe mu gitabo cyo muri Bibiliya bikaba bisobanura indirimbo.