Kenya yongeye kwibasirwa n’ibitero bya Al Shabab (+AMAFOTO)
Umuvugizi w’umutwe w’iterabwoba ufite ibirindiro muri Somalia Al-Shabab wamaze kwigamba igitero cyagabwe i Nairobi muri Kenya mu gitondo cyo kuri uyu wa kabiri tariki 15 Mutarama 2019.
Iki gitero cyagabwe mu gace gaherereye mo hotel Dusit iherereye mu murwa mukuru,Nairobi mu karere ka Westland, ahantu haturikiye ibisasu bibiri ndetse humvikana amasasu.
Amakuru yari ari gucicikana ku rubuga rwa Twitter yari ari kuvuga ko mu masaha igicamunsi i Nairobi habaye igitero cy’abarwanyi ba Al Shabab cyakozwe hifashishijwe ibisasu byari biteze mu modoka.
Reuters yanditse ivuga ko Polisi yahise izenguruka aho hantu itangira kugerageza gusohora abantu bari baheze mu nyubako.Bamwe mu bari muri ako gace bari gutabaza bifashishije imbuga nkoranyambaga.
Polisi ya Kenya yasabye abaturage baturiye aho kiriya gitero cyabereye kuba bahavuye kandi imihanda yose iherekeza ikaba ifunze kugeza igihe ibintu biri busubirire mu buryo.
Kenya ni kimwe mu bihugu byibasirwa n’iteramboba muri aka karere kuko mu 2013, Al Shabab yibasiye isoko mu gace ka Westgate abarenga 67.
