Kagere Meddie yafashije Simba SC gutangira neza amatsinda ya CAF Champions league
Kagere Meddie, rutahizamu w’ikipe y’igihugu Aavubi yafashije Simba Sports Club yo muri Tanzania asanzwe akinira kwitwara neza mu mukino wa mbere w’amatsinda ya Total CAF Champions league y’uyu mwaka.
Hari mu mukino wa mbere w’itsinda D iyi kipe yari yakiriyemo JS Saoura yo muri Algeria. Uyu mukino wabereye kuri Stade y’igihugu ya Tanzania i Dar Es Salaam warangiye Simba SC itsinze 3-0.
Kagere Meddie yatsinze ibitego bibiri muri ibi bitatu, ikindi gitsindwa na n’Umugande Emmanuel Okwi.
Ni umukino Simba SC yarushijemo JS Saoura dore ko yihariye umupira ku kigereranyo cya 64%, inatera amashoti atanu yaganaga mu izamu kuri abiri y’Abanya-Argeria.
Iyi kipe kandi yakomeje intego yayo y’uko nta kipe izaturuka hanze ngo iyitsindire i Dar Es Salaam muri iyi mikino nyafurika ihuza amakipe yabaye aya mbere iwayo.
