Justin Beiber yarwaye indwara ikomoka ku burondwe

Umuhanzi Justin Beiber ukomoka mu gihugu cya Canada akaba akorera umuziki muri Leta zuzne ubumwe za Amerika yavuze ko yari yararwaye indwara yitwa Lyme iterwa n’uburondwe buba mu byatsi (inyondwe mu Kirundi).

Uyu mugabo w’imyaka 25 yanditse kuri Instagram ye ko “iyi myaka micye ishize yari imukomereye” kandi yanayirwayemo indi ndwaya iterwa na virus.

Yavuze ko yabonye ibyavuzwe ku mbuga nkoranyambaga ko afite ibibazo bikomoka ku gukoresha ibiyobyabwenge.

Ni nyuma y’ifoto yamugaragaje amerewe nabi anafite ibibazo ku ruhu.

Lyme ni indwara iterwa na za bacteria ikwirakwizwa n’ubwoko bunyuranye bw’ibirondwe.

Iyi ndwara irangwa no kugira ibiheri ku ruhu, kuribwa mu ngingo no kugira umunaniro ukabije.

Abantu bamwe bavuze ko Justin Bieber aboneka nk’uwarembejwe n’ikiyobyabwenge kitwa ‘meth’ (Methamphetamine).

Bieber yanditse kuri Instagram ye bavuga ibyo “batazi ko narwaye indwara ya Lyme”.

Bieber wamenyekanye mu ndirimbo nka ‘Sorry’, na ‘Baby’, yavuze ko ubu ari ku miti kandi byinshi bizatangazwa mu mashusho mbarankuru ku buzima bwe izatangazwa vuba.

Yabwiye miliyoni 124 z’abamukurikira kuri Instagram ati: “Nzagaruka nkomeye kurusha ikindi gihe cyose mbere”.

Umugore we Hailey Bieber yavuganiye umugabo we anegura abamunenga avuga ko “batazi ubukana bw’indwara ya Lyme”.

Ati: “Mushakashake mumenye iyo ndwara”.

Iyi ndwara iterwa n’uburondwe ntabwo abantu bayanduzanya.

Ni indwara ivurwa no gufata neza imiti ya antibiotics, yanduzwa n’udukoko two mu bwoko bw’uburondwe tuba mu byatsi birebire.