Jay Polly yakatiwe amezi atanu ari muri gereza
Kuri uyu wa Gatanu tariki ya 24 Kanama 2018, urukiko rw’ibanze rwa Gasabo rwakatiye umuhanzi Jay Polly gufungwa amezi atanu nyuma yo kwemera icyaha cyo gukubita no gukura amenyo abiri umugore we.
Urukiko rw’Ibanze rwa Gasabo rwafashe umwanzuro wo gufunga amezi atanu Jay Polly, wari ukurikiranyweho gukubita no gukomeretsa umugore we aherutse gukura amenyo abiri. Urubanza rusomwa uregwa ntiyari ahari ahubwo hari umugore we n’umwana we.
Mu isomwa ry’urubanza uru rukiko rwavuze ko Jay Polly yagombaga gufungwa umwaka, ariko kubera ko yemeye icyaha ndetse agasaba n’imbabazi bakigabanyije bageza ku mezi atanu.
Jay Polly yatawe muri yombi kuwa 4 Kanama 2018, nyuma yo kurwana n’umugore we Uwimbabazi Shalifah akamukura amenyo abiri biturutse k’ubusinzi nkuko Jay Polly yireguye dore ko bari baraye mu kabare bagera mu rugo bagatangira gufatana.
