Italy: Coronavirus yahitanye abantu 475 mu munsi umwe
Coronavirus mu gihugu cy’Ubutaliyani ikomeje kuba ingoranahizi aho kugeza ubu umubare wabakomeje guhitanwa nayo ukomeje kwiyongera umunsi k’uwundi mu buryo buteye ubwobItaly: Coronavirus a.
Ku munsi w’ejo kuwa Gatatu tariki ya 18 Werurwe 2020, iki cyorezo cyahitanye abantu 475 icyarimwe bikomeza gushyira mu bihe bibi iki gihugu.
Iki cyorezo cyazanye ubukana budasanzwe muri iki gihugu bituma ubuyobozi buhagarika ibintu byose bihuza abantu ndetse buri wese ategekwa kuguma mu rugo.
Abaganga batangaje ko igihugu cyahuye n’ikiza kidasanzwe kuko umubare w’abantu bamaze guhitanwa na Covid-19 bagera ku bihumbi 2,978.
Kuri uyu wa Gatatu habonetse umubare udasanzwe w’abantu banduye iki cyorezo bagera kuri 4,200 batumye umubare w’abamaze kwandura mu Butaliyani ungana na 35,713.
Ubutaliyani buri hafi kurenga Ubushinwa mu mibare y’abanduye ndetse n’abishwe na COVID-19.Ubushinwa bumaze gutakaza abantu 3,241 biganjemo abo mu ntara ya Hubei yatangiriyemo iki cyorezo.
Ubutaliyani bufite umubare munini w’abantu bakuze kurusha Ubushinwa gusa muri rusange butuwe na miliyoni 60 mu gihe Ubushinwa butuwe n’abagera kuri miliyari 1.4.
Abaganga bavuze ko COVID-19 yica cyane abantu bari hejuru y’imyaka 65 kurusha ikindi kigero
