Impinduka mu buyobozi: Mukazayire Nelly agizwe Minisitiri wa Siporo

Ku wa 20 Ukuboza 2024, Perezida wa Repubulika, Paul Kagame, yashyizeho impinduka mu nzego zitandukanye z’ubuyobozi. Mukazayire Nelly yagizwe Minisitiri wa Siporo, asimbura Richard Nyirishema wari kuri uwo mwanya kuva muri Kanama 2024. Mbere yo kugirwa Minisitiri, Mukazayire yari Umunyamabanga uhoraho muri Minisiteri ya Siporo.

Rwego Ngarambe, wari Umuyobozi Mukuru ushinzwe Iterambere rya Siporo muri iyi Minisiteri, yagizwe Umunyamabanga wa Leta muri Minisiteri ya Siporo.

Itangazo ryashyizwe hanze kandi ryagaragaje ko:

Godfrey Kabera yagizwe Umunyamabanga wa Leta Ushinzwe Imari ya Leta, avuye ku mwanya w’Umuyobozi w’Ishami ry’Igenamigambi muri MINECOFIN.

Francis Gatare, wabaye Umuyobozi Mukuru wa RDB, yagizwe Umujyanama wihariye muri Perezidansi ya Repubulika.

Eng Richard Nyirishema, wahoze ari Minisitiri wa Siporo, yagizwe Umuyobozi Nshingwabikorwa mu Kigo gishinzwe Umutungo Kamere w’Amazi.

Abandi bayobozi bahawe inshingano nshya:

1. Festus Bizimana: Ambasaderi w’u Rwanda muri Senegal.

2. Parfait Busabizwa: Ambasaderi w’u Rwanda muri Repubulika ya Congo.

3. Olivier Kayumba: Ambasaderi w’u Rwanda muri Centrafrique.

4. Maj Gen Joseph Nzabamwita: Ambasaderi w’u Rwanda muri Burusiya.

5. Lambert Dushimimana: Ambasaderi w’u Rwanda mu Bwami bw’Ubuholandi.

6. Vincent Karega: Ambasaderi ushinzwe Akarere k’Ibiyaga Bigari.

Mu bindi byiciro:

Jean Claude Musabyimana, wahoze ari Minisitiri w’Ubutegetsi bw’Igihugu, yagizwe Umunyamabanga Nshingwabikorwa wa Komisiyo y’Igihugu y’Amatora.

François Régis Uwayezu, wigeze kuyobora Simba SC na FERWAFA, yagizwe Umunyamabanga Uhoraho muri Minisiteri ya Siporo.

Brave Ngabo, wahoze ari Umunyamabanga Nshingwabikorwa w’Inama y’Igihugu y’Urubyiruko, yagizwe Umunyamabanga Uhoraho muri Minisiteri y’Urubyiruko n’Iterambere ry’Ubuhanzi.

Ariane Zingiro: Umuyobozi Mukuru ushinzwe Igenamigambi muri MINECOFIN.

Izi mpinduka zitezweho kongera ingufu mu nzego z’ubuyobozi no guteza imbere imikorere yazo.