Ikipe y’igihugu y’u Burundi yashyize ahagaragara 28 bazatoranywamo abazajya muri CAN

Umutoza w’ikipe y’igihugu y’u Burundi Intamba mu Rugamba Alain Olivier Niyungeko, yamaze gushyira ahagaragara urutonde rw’abakinnyi 28 bazatoranywamo 23 azajyana mu gikombe cya Afurika kizabera mu Misiri guhera mu kwezi gutaha.

Ni urutonde uyu mutoza yashyize ahagaragara ku gicamunsi cy’ejo ku wa kabiri.

Rwinganjeho abakinnyi basanzwe bamenyerewe muri iyi kipe, barimo abenshi banyuze muri shampiyona y’umupira w’amaguru hano mu Rwanda ndetse n’abahakina. Aba barimo Nizigiyimana Karim uzwi nka Makenzi, Amiss Cedrick, Kwizera Pierre(Pierrot), Nahimana Shassir, Duhayindavyi Gael, Ndikumana Yamini Seleman wanyuze muri APR FC, n’abandi.

Uru rutonde runagaragaraho abakinnyi basanzwe bazwi cyane nka rutahizamu Saido Berahino wa Stoke City yo mu Bwongereza, cyakora cyo ntirugaragaraho kabuhariwe Fiston Abdul Razak usanzwe akinira  JS Kabylie yo muri Algeria.

Urutonde rw’abakinnyi 28 bahamagawe n’umutoza Niyungeko.

Share on Facebook

Tweet