Ikipe y’igihugu ya Columbia yakiriwe nk’iyatwaye igikombe cy’isi-Amafoto
Ku munsi w’ejo tariki ya 06 Kamena, ibihumbi by’abanya Columbia bari bateraniye kuri Stade ya El Campin iherereye mu murwa mukuru Bogota, mu rwego rwo kwakira ikipe yabo y’igihugu ikubutse mu mikino y’igikombe cy’isi ikomeje kubera mu Burusiya.
Iyi kipe yasezerewe kuri za penaliti n’ikipe y’igihugu y’Ubwongereza, nyuma y’uko iminota isanzwe y’umukino na 30 y’inyongera yari yarangiye amakipe yombi anganya 1-1.
Harry Kane ni we wari wafunguye amazamu ku ruhande rw’Abongereza kuri penaliti ashinjwa ku kuba yarigushije mu rubuga rw’amahina, mu gihe Yerry Mina ari we wishyuriye Columbia mu minota ya nyuma y’umukino.
N’ubwo iyi kipe ya Columbia itageze muri 1/4 cy’irangiza, ibi ntibyabujije ibihumbi by’abaturage ba Columbia kujya kuyakira ku kibuga cy’indege cya El Dorado ubwo yari ihageze ku munsi w’ejo, ndetse banayiherekeza kuri El Campin, mu rwego rwo kuyiha icyubahiro, kuyisuhuza no kwifotozanya na yo.
