Ikipe y’igihugu ya Brazil n’isoni nyinshi yamaze kugera mu rugo-Amafoto

Nyuma yo gusezererewa mu mikino y’igikombe cy’isi ikomeje kubera mu Burusiya, ikipe y’igihugu ya Brazil yamaze gusesekara mu rugo.

Brazil yahabwaga amahirwe yo kwegukana igikombe cy’isi cy’uyu mwaka yatahiye muri 1/4 cy’irangiza, nyuma yo gutsindwa n’ikipe y’igihugu y’Ububiligi ibitego 2-1 mu mukino wabaye ku munsi wo ku wa gatanu.

Igitego Fernandinho yitsinze n’icya Kevin De Bruyne ni byo byahesheje ikipe y’umutoza Roberto Martinez kugera muri 1/2 cy’irangiza, mu gihe Renato Augusto ari we watsinze impozamarira ku ruhande rwa La Selecao.