Ihurizo TMC wo muri Dream Boys yahaye umukobwa wifuza kumubera umugore
Mujyanama Claude cyangwa se TMC wo mu itsinda rya Dream Boys, yatangaje ibyo umukobwa yakundana na we yaba yujuje ndetse arerura avuga ko igihe cye cyo gushaka kiri kugera kubera ko amaze kuzuza imyaka 30.
Uyu musore wijihije isabukuru ye y’amavuko y’imyaka 30 amaze ku Isi ku wa kabiri tariki ya 25 Nzeli 2018, yatangarije itangazamakuru ko magingo aya nta mukunzi afite ariko akaba ari kumushakisha kuko imyaka iri kumusiga, aha yahise avuga ibyo umukobwa yakunda yaba yujuje.
Umukobwa ukunda yubaha Imana, ufite indangagaciro z’umunyarwandakazi, ukunda abantu, umukobwa uteye neza, n’ukuvuga umukobwa unanutse hejuru ariko hasi akaba abyibushye uteye nk’igisabo nkuko benshi babyita muri iyi minsi. Ibi ni byo TMC yagenderaho ashaka umukunzi.
TMZ wavukiye mu gace ka Uvila muri Repubulika iharanira demokarasi ya Congo, we na mugenzi we Platini, bakoze indirimbo nyinshi zakunzwe ahanini bitewe n’ubutumwa buba buzirimo, kuri we indirimbo akunda cyane ni iyitwa’Isano’ ngo kubera ko ivuga ku bintu byamubayeho.
