Igisirikare cya Uganda cyasabye imbabazi nyuma yo gukubita iz’akabwana umunyamakuru-VIDEO
Igisirikare cya Uganda cyasabye imbabazi kubera icyo cyavuze ko ari imyitwarire itari iya kinyamwuga y’abasirikare, nyuma yaho umunyamakuru w’ibiro ntaramakuru Reuters akubiswe akanatabwa muri yombi ubwo yataraga inkuru mu myigaragambyo yabaye ku wa mbere.
Ni imyigaragambyo yabereye mu murwa mukuru Kampala.
Muri videwo yahererekanyijwe ku mbuga nkoranyambaga, James Akena, umunyamakuru ufata amafoto w’ibiro ntaramakuru Reuters agaragara apfukamye abasirikare bari kumukubita.
Nkuko bitangazwa n’ibiro ntaramakuru AFP, yafunzwe mu gihe cy’amasaha menshi nyuma yo gukubitwa.
Itangazo ryasohowe n’igisirikare cya Uganda rivuga ko abasirikare bahohoteye abanyamakuru bazatabwa muri yombi kandi bagahanwa.
Amashusho yafashwe ku munsi w’ejo agaragaza abasirikare 3 ba Uganda bahondagura abanyamakuru, harimo James Akena ukorera ibiro ntaramakuru by’Abongereza’Ruteurs’ wakubiswe akayabo k’ibiboko mbere yo kujya gufungirwa kuri station ya Polisi y’i Kampala.
Kugeza ubu Minisiteri y’ingabo za Uganda ntiratangaza abagize uruhare mu ihohotera ryakorewe abanyamakuru, cyangwa ibihano ababikoze baza guhanishwa.
Uko bamukubise
