Ifoto y’umunyamakuru w’Umunyarwanda ari kumwe n’umukinnyi wa Real Madrid yatumye benshi bacika ururondogoro
Ifoto y’umunyamakuru Nsengiyumva Sidick ‘Gakwavu’ ari kumwe n’umunya Cap-Vert, Sam “Edy” Tavares da Veiga, ukinira ikipe ya Basketball ya Real Madrid yo muri Espagne, yatumye abenshi mu bakoresha imbuga nkoranyambaga bacika ururondogoro.
Nsengiyumva Sidick asanzwe ari umunyamakuru w’imikino kuri Radiyo ya B&B FM-Umwezi ikorera mu mujyi wa Kigali.
Ifoto ye ari kumwe na Tavares yasangijwe ku mbuga nkoranyambaga na bagenzi be bakorana, mbere yo gutembagaza abakoresha bene izo mbuga.
Mu busanzwe Tavares areshya na metero 2.21, mu gihe Sidick ari umwe mu banyamakuru badafite uburebure buhambaye mu gihugu.
Bombi ubitegereje ubona hari ikinyuranyo gikomeye mu burebure bwabo, ari na yo mpamvu abenshi mu babonye iriya foto basetse bagatembagara.
Cyakora cyo n’ubwo hari benshi basetse uburebure bwa Sidick, hari n’abagerageje kuzana ifoto ya Tavares ari kumwe na Cristiano Ronaldo uri mu bakinnyi barebare ku Isi, bagaragaza ko uwahagararana n’uriya mukinnyi wese yaba nk’umwana we.
Harimo akarengane kbs
— Mathieu Niyonsenga (@MathieuNiyonse1) December 22, 2021
Aka kaga? nagaku? kbs reba ingene kare? Wagirango ni nyinawa ? Uwuzuza ndamuremera kbs kandi kariyeme?
— Panafricanism mubikorwa (@mubikorwa) December 21, 2021
Hhhhhhhhhhh ariko Benjamin wabayute? Nonese Tavares yamusubije iki?
— Sam Ntambiye (@SamNtambiye) December 21, 2021
