Icyo Miss Muyango avuga ku makuru yasakaye avuga ko yibarutse imfura
Ku munsi wejo tariki ya 28 Nyakanga 2021, ku mbuga nkoranyambaga zitandukanye hiriwe hatambuka inkuru zavugaga ko umunyezamu w’ikipe ya Kiyovu Sport Kimenyi Yves ndetse n’umukunzi we Miss Muyango Uwase Claudine bibarutse imfura yabo.
Aya makuru akijya hanze ntabwo ba nyiri ubwite bari bamenye ko arimo kuvugwa gusa inyarwanda dukesha iyi nkuru yabashije kuganira na Miss Muyango imubaza niba koko yaba yibarutse imfura ye, mu gusubiza uyu mukobwa ufite inda nkuru yamaganiye kure ibyavugwaga ko yaba yibarutse ndetse ashimangira ko ari ibihuha bidafite ishingiro.
Ku gicamunsi nibwo aya makuru yakwirakwiye cyane ahantu hatandukanye aho yavugaga ko Miss Muyango Uwase Claudine n’umukunzi we Kimenyi Yves basigaye babana mu nzu bibarutse imfura yabo dore ko uyu mukobwa amaze iminsi atwite inda nkuru, amakuru akaba yagiye hanze nyuma yahoo Miss Muyango yanditse kuri WhatsApp status avuga ko urugendo rwo gutwita rurangiye.
Muri ubwo butumwa, Muyango yanditse ati “Rwari urugendo rukomeye, ndashimira Imana ko yarumfashijemo rukaba rurangiye, ndi umubyeyi wishimye, ntewe ishema nanjye ubwanjye. Ntagushidikanya ko nzaba umubyeyi mwiza cyane”.
Mu kumenya niba ibyo yanditse bisobanuye ko yabyaye, umunyamakuru yaganiriye n’uyu mukobwa amubaza niba koko yaba yibarutse imfura ye gusa Miss Muyango Uwase Claudine yahise abyamaganira kure avuga ko atigeze abyara ndetse asaba abantu kureka guwkirakwiza ibihuha.
Yagize ati “Ariko icyakoza reka nkubwire ubu ndi kumva uri kunsetsa, ubu iri jwi ryanjye uri kumva ndi kuvuga nk’umuntu wabyaye koko. Ntabwo ari byo rwose ubungubu nari niryamiye rwose nanjye nta n’ubwo nari mbizi ariko ntabwo bintunguye kubera ko ibimvugwaho ni byinshi. Ikintungura ni uko nta muntu njya nima amakuru ariko njya gutungurwa nkabona abantu batwanditseho ibintu bitandukanye nyamara atari byo.
Uyu mukobwa Miss Muyango Claudine witabiriye irushanwa rya Miss Rwanda 2019 ndetse akanegukana rimwe mu makamba atangwa muri ririya rushanwa amaze imyaka ibiri akundana n’umunyezamu w’ikipe ya Kiyovu Sport ndetse n’ikipe y’igihugu Amavubi, kuri ubu basigaye banabana mu nzu imwe kandi batari basezerana nubwo Kimenyi yambitse impeta Muyango.
Kimenyi yamamaye mu makipe atandukanye arimo APR FC, Rayon Sports, Kiyovu Sports no mu Ikipe y’Igihugu Amavubi,mu gihe Miss Muyango Uwase we yamenyekanye ubwo yitabiraga irushanwa ry’ubwiza rya Miss Rwanda mu 2019.
Inkuru yabanje kuvugwa
Yanditswe na Hirwa Junior
