Icyamamare muri Basket Kevin Durant na bagenzi be 3 banduye coronavirus

Icyamamare mu mukino wa Basketball, Kevin Durant, na bagenzi be 3 bakinana mu ikipe ya Brobyemejwe n’uoklyn Nets muri NBA basanganywe icyorezo cya COVID-19 giterwa na Coronavirus nk’uko buyobozi bw’iyi kipe.

Iyi kipe kandi yemeje ko umukinnyi umwe muri bo, ariwe wagaragaje ibimenyetso mu gihe abandi nta kimenyetso na kimwe bagaragaje.

Ntabwo bizwi neza niba Durant ariwe wagaragaje ibimenyetso cyangwa ari undi mukinnyi bakinana gusa amazina y’abandi 3 ntabwo yatangajwe.

Brooklyn Nets yagize ati “Ikipe iri gushakisha buri wese wahuye n’aba bakinnyi 4 harimo n’amakipe duheruka gukina,dufatanyije na Leta ndetse n’inzego z’ubuzima.”

Brooklyn Nets yavuze ko abakinnyi bayo bose basabwe kuguma mu bwihisho ndetse abaganga b’ikipe bari gukurikirana ubuzima bwa buri wese.

Durant, ukiri mu mvune amazemo igihe kinini, yiyongereye ku bandi bakinnyi bo muri NBA, Donovan Mitchell na Rudy Gobert ba Utah Jazz na Christian Wood wa Destoit Pistons bafite iyi ndwara.

Iyi Shampiyona ikomeye ku isi muri basketball ya NBA yabaye ihagaritswe.

Kevin Durant yabwiye ikinyamakuru cy’imikino The Athletic ko ari muri abo bakinnyi bane banduye iyi virus.

Yagize ati: “Buri wese abe maso, yirinde kandi yishyire mu kato. Ibi bizashira”.

Abakinnyi ba Nets basanzemo iyi ndwara bari baherutse kuva i San Francisco nk’uko bivugwa na ESPN.

Nets yishyuye ikigo kigenga ngo kibasuzume, kikaba cyarazanye ibisubizo ejo kuwa kabiri